أحمد أبو المجد يرد على موضوع ايه... في ايه؟؟!

مواضيع ذات علاقة : أيه ... في إيه؟؟!

ليه ما نبقاش اخوات ؟؟....

Ahmd Abo-elmagd Said :

هو انت كلامك بقى كتير كده ليه نصيحة منى كل ما كان كلامك قليل كل ماوصل بسرعة للناس

وبعدين قصة الشعراوى دى جبتها من فين وايه المقصود منها

بص يا منشاوى فى موااضيع ما ينفعش تخلص منه الا لو حكيتها لحد

وثانيا ده مش على سبيل الفضفضة وبس لكن ياسيدى اكيد هيفيدوك برأيهم او خبرتهم فى الحياة

اتمنى تكون الرسالة وضحت

وماتزعلش ياسيدى بلاش تكلم اى بنت وارضى ربك وربنا يهدى الجميع وانا اولهم يــــارب

بعض الأمور كان لازم يتم توضيحها

أولا: الموضوع مش طويل لأنه تضمن بنود الموضوع الأساسية من فكرة عامة و بعض الامثلة و الرأي الشخصي و سبت كل واحد بعدها يعبر عن رأيه على مزاجه

ثانيا: زي ما قلت قصة الشعراوي أنا قرأتها بما معناه ان الحب حلال إذا كان غرض نهايته الزواج أما باقي الكلام و زي ما وضحت في الموضوع فهو حوار بيني و بين شخص آخر ليس له علاقة بالشيخ الشعراوي إطلاقاً

ثالثا: فكرة ان يكون ليك أخ و أخت غير أخواتك تحكيلهم و تفضفضلهم .. ماشي لو حسبناها بالعقل فرق الأعمار لن يكون أكتر من 4 سنين فا فارق الخبرة مش حيكون كبير..لكن حنفترض ان احنى لقينا شواذ للقاعدة و في ناس ممكن تفيدكماشي انا لم أعترض بس أنا حاولت ألاقيلك حلول في الموضوع توفر عليك الهم شوية

رابعا: و دي أهم نقطة عندي و هي اني مقلتش يا جماعة محدش يكلم بنات و كلام البنات حرام... لأ انا قلت في نهاية الموضوع انا معرفش و أرجو الاستشارة.. يعني سبت الموضوع مفتوح و مقلتش هوا ده رأيي.. لإني بجد محتار و محدش من الشيوخ عارف يدي كلام واضح.

يا جماعة .. يا جماعة ... أنا عرضت مشكله عامة و مقلتش دي مشكلتي يا ريت حد يساعدني في حلها

أنا كل اللي عملته حكيت موضوع اديت عليه امثله و اديته رأيي و سبت باقي الناس تقول رأيها

بس رأيها في الموضوع .. مش فيا أنا كشخص عندي مشكله

إيه ... في ايه ؟؟!

بسم الله الرحمن الرحيم

أولا كل سنة و انتو طيبين .. أنا عارف اني معيدتش عليكو لكن معلش الظروف كانت صعبة شوية

ندخل في موضوعنا على طول من غير ما نضيع وقت أو نطول في الكلام

جمله عجبتني جدا
إيه ... فيه ايه ؟؟!

فحطيتها عنوان للموضوع

إيه ... فيه ايه ... ليه جوانا ديما في صراع .. صراع بين الرغبة في الكلام مع الجنس الآخر و في نفس الوقت الرفض التام لهذه الفكرةالرغبة في البحث على حد من الجنس الآخر تحبه و في نفس الوقت .. لأ و ألف لأ .. العادات و التقاليد و الدين بيقول كدا
طيب لازم نلاقي حل .. معلومة علمية بتقول " اللي بتقاومه لازم يقاومك " أي حاجة بنقاومها حتى لو كانت تافهم حتقاومنا و ممكن تخلينا نزيد فيها أكتر من لو كنا سبناها على راحتها يعني لو بتقاوم إنك ما تاكلش رغيف عيش حتلاقي الرغبة بتقاوك و ممكن تخليك تاكل رغيفين مش رغيف واحد

طيب واحد بيقول نفسي يبقى ليا أخ أو أخت أحكي و أفضفض معاهمحنمسك في نقطة أخت دي ... طيب إزاي حتقدر إذا كان دينك و اللي اتربيت عليه و العرف بيقول مينفعش.. طيب حتعمل ايهحتزود نفسك هموم فوق همومك في انك مش لاقي حد تفضفضله يعني بدل ما تكون الفكرة علشان حل المشاكل .. لأ إحنى كدا زودنا المشاكل

و واحد تاني فا كر إني مرة كنت بحكيله إني قريت في كتاب للشيخ الشعراوي إن الحب حلال إذا كان الغرض منه و نيته الزواجرد عليه بأسلوب واحد بيطلع اللي جواه من الغم " مهو الحب حلال لكن متكلمش اللي بتحبه .. يعني حب بالمراسلة " هوا قالها بأسلوب تهكم لكن كان باين في كلامه انه شايل و ساكت

ناس تانية بتتصرف على عكس اللي مبيناه تماماً .. نفسو يكلم ناس من الجنس الآخر و بيستمر في التصنع بإنه مش فارقة معاهفي نفس الوقت بيعمل تصرفات تدل على كده .. طيب ده يعمل ايه ... يقعد في بيتهم علشان ينسى الجنس الثاني و ميفكرش فيه

انا اديت بعض الأمثله و أكيد في أمثله كتيرة جدا و كلنا عارفين على الأقل مثالين أو تلاتة على الأقل كل واحد فينا عند مثال عن نفسهطيب ده بقى حله ايه و الناس دي تعمل ايه يمشو تبع العر و الدين ولا يعملو ايه

ولا يكون كل واحد بيحب واحدة حيعمل زي ما واحد بيحكي للأستاذ عمر خالد عمل .. بيحكي إن شاب كلمه و كان بيحكيله إنه كان بيحب

واحده جدا و قعد 3 سنين ميكلمهاش بس بعد ما عرفها على أختهفا أصبحت أخته حلقة الوصل بينه و بينها .. بطمنه عليها و طمنها عليه .. يعني كل واحد فينا لازم يجيب أخته و يعمل كده ولا يعمل ايهحديث الرسول قال من

حديث الرسول صلى الله عليه و سلم قال : "من استطاع منكم الباءة فليتزوج، و من لم يستطع فعليه بالصوم فإنه له وجاء" طيب كان على أيام الرسول صلى الله عليه و سلم الزواج من سن 17 و 18 سنه

طيب الفرق عندنا تقريبا 10 سنين ... ايه الحل؟؟!
لو حد يعرف الحل يعرفني و يعرف باقي الناس يفيدنا و يكسب فينا ثواب

أمي

أمي و ليس لي من البدائل غيرها

فالقلب يهواها ولا يقوى على العيش بدونها

أمي و ليس القلب على الفراق بقادر

في كل مرة أراها و الدمع بعينها

و ياليتني أحيا طوال عمري كخادمِ

لما خطط عليه من تراب اقدامها

أمي و من غيرها يخشى علي كخوف مرضعة على رضيعها

أمي و من غيرها يحنو علي كما لو كنت من روحها

أمي و من يشغله همي في الليالي غيرها

أمي و لا أقوى على العيش بدونها

و الآن أوقن انني من غيرها

كالطفل ابكي في انتظار حنانها

يا رب قدر ان اعيش لأجلها

و ارزقها راحة تملؤ بالها

و اسعدها ربي بكل ما يجوب خيالها

إنتقال

مرحباً بكل الزائرين


تم انتقال نشاطي مناصفة بين هذه المدونة

و مدونة الحنين للذكريات بيني و بين أختي



يلا كله يتوجه على هناك

و ممكن تستنى هنا :)

عمرو دياب و ألبوم الليلادي2007

طبعا الباشا طالع بصدره عريان تقولش بطل كمال أجسام و السلاسل
الحلوة اللي هوا لابسها تحسه عاشي في الأدغال في و سط
الزرع اللي وراه ولا ايه يعني حتى عيب على سنه

أولا:نقول ايه
كلمات : ايمن بهجت قمر
الحان : عمرو مصطفى
توزيع : حسن الشافعي
توزيع غريب تحس انك داخل مطش كورة و كمان يشبه توزيع حبيبي ولا على باله القديم بس بصراحة اللحن و الكلمات جامدين جداً

ثانيا:الليلادي
كلمات : ايمن بهجت قمر
الحان : عمرو مصطفى
توزيع : حسن الشافعي
لحن حلو لكن التوزيع ضايع خالص تحس انك داخل لعبة على الكمبيوتر او بتسمع موسيقى النمر الوردي و ساعات تحس انك في استعراض باليه بالتوزيع الغريب ده لأ و ساعات بقى تلاقي مددات عجيبة مش عارف ازاي عمرو عملها أما الكلمات طبعا ايمن بهجت قمر محدش يقدر يتكلم عليه

ثالثاً: طول منا شايفك
كلمات : مجدي النجار
الحان : محمد يحيى
توزيع : حسن الشافعي
كلمات و لحن و توزيع عشرة على عشرة

رابعاُ: حكايات
كلمات : مجدي النجار
الحان : محمد يحيى
توزيع : حسن الشافعي
يعني التوزيع احسن الوحشين زي ما بيقولو لكن الملحن عمل لحن حلو لكن كان بيبوظه في نهاية كل كوبليه بس الكلمات حلوة

خامساً: انت الغالـي
كلمات : مجدي النجار
الحان : البدري كلباش
توزيع : حسن الشافعي
يعني اللحن شبه حلو بس تحس بنشاز في اللحن يعني ودنك متستريحلوش تحس ان في حاجة غريبة تخليك تركزاما التوزيع فابرضو شبه كويس

سادساً:روحي مرتحالك
كلمات : امير طعيمة
الحان : محمد يحيى
توزيع : فــهد
لحن و كلمات و توزيع عشرة على عشرة برضو

سابعاً:قالتلي قول
كلمات : بهاء الدين محمد
الحان : عمرو ديــاب
توزيع : فــهد
برضو لحن و كلمات و توزيع تمام التمام بس اللحن متكرر أكتر من مرة و مع ناس كتيرة على الرغم من انه ماشي مع الأغنية عشرة على عشرة

ثامناً: و فهمت عنيك
كلمات : خالد تاج الدين
الحان : عمرو مصطفى
توزيع : حسن الشافعي
الأغنية هادية و حلوة بس الكلمات مش قد كده

تاسعاً: ضحكت
كلمات : بهاء الدين محمد
الحان : عمرو دياب
توزيــع : فـهد
الكلمات و اللحن و التوزيع جامدين جداً

بس تفسير الضحكة:
مستني ايه بعد الضحكة دي الضحكة فاتحالك السكة
ضحكت يعني حاسة هواك و موافقة تعيش العمر معاك
روح يا حبيبها ده انت حيبها طمن شوقها اللي استناك
في حد يستنى على دي ؟؟ دي كفاية بس الضحكة دي
شفت اهه ضحكت تاني .. يعني اللي شفته مكنش خيال

عاشراً و أخيراً :خليك معايا
كلمات : ايمن بهجت قمر
الحان : محمد يحيى
توزيع: حسن الشافعي
التوزيع و اللحن و الكلمات تمام بس مش عارف هوا ليه شال كوبليه من الأغنية و كان حلو جداً كان بيقول:

و عرفت قيمتك لما بعدت و رجعت بعد فراق
جربت أعيش منغير هواك و آدي النهاية
أنا بعد منك تهت و ضعت أنا ضعت مالأشواق
و انتا كمان ضعت و بجد حرام كفاية
خليك معاية أنا مش حسيبك مرة تانية مهما كان
خليك معاية أنا مش حكرر غلطتي و ياك زمان

بس كلمات الأغنية حلوة جداً و زي ما قلت أيمن بهجت قمر

***********************************************************

بس بصراحة الشريط مش مستواه خالص و نزل من عمرو دياب نزله جامدة قوي يعني سنتين منزلش حاجة و بعدين نزل شريط زي ده يعني يصوم يصوم و يفطر على بصلة و معظم توزيعات الشريط كانت لحسن الشافعي و معظمها وحش مش عارف عجبهم فيه ايه بس بصراحة الشريط في اغنيتين تلاتة بالشريط كله.

و أخيراً و ليس آخراً إختلاف الرأي لا يفسد للود قضية

عيد ميلاد حبيبتي

وردٌ أم ريحانٌ أم فلٌ و ياسمين

لا أدري ما أهدي حبيبتي في عيد مولدها الثمين

أم انها تهوى الحلي كخاتم في اصبعٍ من يدها اليمين

أو أساور في معصميها من الماس و الذهب المعين

لكنني لا أهوى قيوداً في معصميك حتى تكبرين

أما الدمى فانتِ تلهين بهى في كل وقت و حين
لا أدري ما أهديك حبيبتي.... إني حزين

لكنني أعلم ما سوف أهديك حبيبتي لما تكبرين

أساور و أقراط و خاتم في الاصبع الرابع من يدك اليمين
من الذهب و الماس و كل ما هو قيم ثمين

و أفراحٌ و أعيادٌ و عقد للقران في ذلك الحين

و أطفال تناوشنا و تفرحنا في بيتنا في كل حين

لكنني أعتذر حبيبتي عن الهدايا حتى تكبرين

صديقي

لا معنى للحياة مندون صديق

الانسان يمكن أن يحيى من دون حبيب لكن لا يمكن أن يحيى من دون صديق

فيا صديقي لا تتركني كما فعل الأحباب

لأنني لا أستطيع أن احيا بدونك

في انتظار حبيبتي

قدري أن أكون بلا حبيبتي

و قدر حبيبتي أن تكون بدوني

*****

قدري لو تعرفين حبيبتي

كم الهوى في مقلتي

*****

كم الشجون الى اللقاء

و كم حزني على الفراق

*****

كم ما جرح الفؤاد حبيبتي

في انتظار الأحبة الأقراب

*****

ولست أدري أي يوم آتي

حتى أرى قمر الحبيبة يسطع

و أملي عيني من بسمها الأخاذ

*****

يا رب قدر أن أرى محبوبتي

و أجعلها خير الأناس لذاتي

*****

آآآآآآأه ....حبيبتي

اول تحية

اول تحية الى كل من قام بقراءة المدونة

و أعدكم بما سأحاول به أن انال اعجابكم









و كلنا قلوب حائرة..........