الحلوة اللي هوا لابسها تحسه عاشي في الأدغال في و سط
الزرع اللي وراه ولا ايه يعني حتى عيب على سنه
أولا:نقول ايه
كلمات : ايمن بهجت قمر
الحان : عمرو مصطفى
توزيع : حسن الشافعي
توزيع غريب تحس انك داخل مطش كورة و كمان يشبه توزيع حبيبي ولا على باله القديم بس بصراحة اللحن و الكلمات جامدين جداً
ثانيا:الليلادي
كلمات : ايمن بهجت قمر
الحان : عمرو مصطفى
توزيع : حسن الشافعي
لحن حلو لكن التوزيع ضايع خالص تحس انك داخل لعبة على الكمبيوتر او بتسمع موسيقى النمر الوردي و ساعات تحس انك في استعراض باليه بالتوزيع الغريب ده لأ و ساعات بقى تلاقي مددات عجيبة مش عارف ازاي عمرو عملها أما الكلمات طبعا ايمن بهجت قمر محدش يقدر يتكلم عليه
ثالثاً: طول منا شايفك
كلمات : مجدي النجار
الحان : محمد يحيى
توزيع : حسن الشافعي
كلمات و لحن و توزيع عشرة على عشرة
رابعاُ: حكايات
كلمات : مجدي النجار
الحان : محمد يحيى
توزيع : حسن الشافعي
يعني التوزيع احسن الوحشين زي ما بيقولو لكن الملحن عمل لحن حلو لكن كان بيبوظه في نهاية كل كوبليه بس الكلمات حلوة
خامساً: انت الغالـي
كلمات : مجدي النجار
الحان : البدري كلباش
توزيع : حسن الشافعي
يعني اللحن شبه حلو بس تحس بنشاز في اللحن يعني ودنك متستريحلوش تحس ان في حاجة غريبة تخليك تركزاما التوزيع فابرضو شبه كويس
سادساً:روحي مرتحالك
كلمات : امير طعيمة
الحان : محمد يحيى
توزيع : فــهد
لحن و كلمات و توزيع عشرة على عشرة برضو
سابعاً:قالتلي قول
كلمات : بهاء الدين محمد
الحان : عمرو ديــاب
توزيع : فــهد
برضو لحن و كلمات و توزيع تمام التمام بس اللحن متكرر أكتر من مرة و مع ناس كتيرة على الرغم من انه ماشي مع الأغنية عشرة على عشرة
ثامناً: و فهمت عنيك
كلمات : خالد تاج الدين
الحان : عمرو مصطفى
توزيع : حسن الشافعي
الأغنية هادية و حلوة بس الكلمات مش قد كده
تاسعاً: ضحكت
كلمات : بهاء الدين محمد
الحان : عمرو دياب
توزيــع : فـهد
الكلمات و اللحن و التوزيع جامدين جداً
بس تفسير الضحكة:
مستني ايه بعد الضحكة دي الضحكة فاتحالك السكة
ضحكت يعني حاسة هواك و موافقة تعيش العمر معاك
روح يا حبيبها ده انت حيبها طمن شوقها اللي استناك
في حد يستنى على دي ؟؟ دي كفاية بس الضحكة دي
شفت اهه ضحكت تاني .. يعني اللي شفته مكنش خيال
عاشراً و أخيراً :خليك معايا
كلمات : ايمن بهجت قمر
الحان : محمد يحيى
توزيع: حسن الشافعي
التوزيع و اللحن و الكلمات تمام بس مش عارف هوا ليه شال كوبليه من الأغنية و كان حلو جداً كان بيقول:
و عرفت قيمتك لما بعدت و رجعت بعد فراق
جربت أعيش منغير هواك و آدي النهاية
أنا بعد منك تهت و ضعت أنا ضعت مالأشواق
و انتا كمان ضعت و بجد حرام كفاية
خليك معاية أنا مش حسيبك مرة تانية مهما كان
خليك معاية أنا مش حكرر غلطتي و ياك زمان
بس كلمات الأغنية حلوة جداً و زي ما قلت أيمن بهجت قمر
***********************************************************
بس بصراحة الشريط مش مستواه خالص و نزل من عمرو دياب نزله جامدة قوي يعني سنتين منزلش حاجة و بعدين نزل شريط زي ده يعني يصوم يصوم و يفطر على بصلة و معظم توزيعات الشريط كانت لحسن الشافعي و معظمها وحش مش عارف عجبهم فيه ايه بس بصراحة الشريط في اغنيتين تلاتة بالشريط كله.
و أخيراً و ليس آخراً إختلاف الرأي لا يفسد للود قضية
8 comments:
شكرا يا منشاوى هلى المعلومات الفيدة
مجهود تتحسد عليه
تحياتى
ur welcome man
اهلا هيثم
مدونتك جميلة
عجبني جدا اعتزازك بالاسرة
اللوجو
والصورة الجماعية
لا دلوقتيي اطمن انك مشروع دكتوري حتي النخاع
-----------
بس قللي
انت بتشتغل دعاية لعمرو وللا ايه
-----------------
وبعدين الراجل عاجبه جسمه
انت بس ايه اللي مضايقك
ياجميل
شد حيلك
دعاية ايه دا انا مطلعله القطط الفطسانة في الشريط من توزيع و لحن و كلمات
ده شريط ضاااااايع جداً
_______
صحيح المدونة بتاعتك اتقفلت ليه
___________
شكرا على الرد بس في قصيدة شعرية تحت الموضوع ده نفسي حد يقرأها و يقلي رأيه فيها
______
و طبعاً مشروع دكتور يا حبي يا حتي من قلبي لازم تتقال في الآخر
منشاويييييييييييييي
ايه الحلاوه دي
عظمه على عظمه على عظمه يامنش
هو مفيش في الشريط كله غير اغنيه قالتلي قول بس
تحياتي
بالنسبة للشريط فهو مولود مشوه بجد
اول مرة أسمع شريط عمر مرتين وأمِل منه
فين أيام وبنعيشها
فين أغيب أغيب
فين فين فين فين
فينات كتير من النهاردة لغاية الشريط الجاي ماينزل
بالنسبة لي: أجمل أغنية هيا نقول أيه بغض النظر عن ماتش الكورة اللي فيها
أهطل أغنية وأتفق مع عاشور في كده هيا أغنية ضحكت
متنساش يا منشي تقرا تعليقي على أول بوست ليك
وأخيراً....مكنتش مستني منك كده ياعمورتي
إنتوا عيال بيضان قوى يا سيادنا
Post a Comment